هاضحك بقى يلا هه :D

ايه اللى فاضل فى الحكاية؟

دمعة ، بسمة .. ولا يمكن دى النهاية؟

نهاية ايه بس ، دة انا لسه مبتدتش

نص عمرى فات ولا حستش

لأ ، طب خلاص هبدأ من جديد

اية يعنى اللى فات ، ما خلاص أهو مات

مش بيقولوا الحياه بتبدأ بعد الستين

طب دة انا لسه فى العشرين

ايه يعنى كام شعرة بيضا ع الجبين

مالها الصبغة يعنى يا ناس

ماهى برده بتدارى

بالظبط زى البسمة

وأهى برده نفس الوزن

ايه يعنى لما اضحك

خدنا ايه م البكا يعنى

يمكن مرة تضحكلى

وأهو يبقى طلعنا منها بحاجة

فى أخر الحكاية

:)